सफर जारी है 25
#सफर_जारी_है_25
सूरतगढ़ आजकाल लूंठो स्हैर है। इण मांय मोटा स्हैरां री सारी आच्छी बांता रै साथै सारी माड़ी बांता भी देखण न मिल ज्यावैे। म्हूं स्कूल में आवणो-जावणौं बस माथैे करूं। कमरै स्यूं बस स्टैंड रै मार्ग बिचाळे एक जंग्या माथै एक रैवास आवे जिण मांय एक डोकरो, एक डोकरी अनै लगैटगै पंदरा साल री एक छोरी। घर कांई घरकूलियौ ही है। ऊंचाई इतरी ही है क इण रै मांय बैठ्यो ही जा सके, खड़्यो रैवणो अबखो है। इण झूंपड़ी नै भी कितरी अबखाया स्यूं बणाई है, इण री डोळ स्यूं पतो चाले। न्यारी न्यारी कातरां जोड़ नै पुराणा लीरा अर थैला स्यूं ठंडी हवा स्यूं बचण रौ जापतो कर राख्यो है। एक माचली रो एक पागो टुट्योड़ो है, अर उण पागै री ठोड़ ईट्ंया जचा राखी है, जिण स्यूं बो बैठण लायक बण ग्यो। इण सारी बातां ने देखतां थका आपां बीं झूंपड़ी मां रैवणिया लोगां री हालत री कल्पना आपां कर सकां।
म्हूं बीं झूंपड़ी में खास बात देखी, जकी म्हनै आ पोस्ट लिखण ने मजबूर कर नाख्यो। बीं झूंपड़ी में आंवते जांवते बा छोरी म्हाने हरमेस पढ़ती दिखे। बीं रै हाथां में किताब देख'र म्हूं सोचूं कै बां लोगां ने सीख लेवणी चाहिजे जिका थोड़ी सी अबखाई आंवतै ही पढ़ाई छोड़ देवे है। आपरी असफलता रौ औ भ्यानौं काढे है कै म्हारे खनै संसाधना री कमी होवण रै कारण म्हारे स्यूं पढ़ाई कोनी हो पाई। इण विषय माथे म्हूं पैलां भी एक पोस्ट लिख चुक्यो। पण आज फैर जद म्हूं इण झूंपड़ी रै आगे स्यूं आयो तो आ पोस्ट लिखणे स्यूं अपणे आप ने रोक नहीं सक्यो।
तो भाई लोगो कोई हिलो करणे स्यूं बचणे रा भ्यानां ना मारो। हिलो करणे री इच्छा शक्ति जगाओ ....... मारग अपणे आप बणता जावैला।
अबार इतरो ही...... मिलां आगली पोस्ट मांय.....
सफर जारी है..............
सूरतगढ़ आजकाल लूंठो स्हैर है। इण मांय मोटा स्हैरां री सारी आच्छी बांता रै साथै सारी माड़ी बांता भी देखण न मिल ज्यावैे। म्हूं स्कूल में आवणो-जावणौं बस माथैे करूं। कमरै स्यूं बस स्टैंड रै मार्ग बिचाळे एक जंग्या माथै एक रैवास आवे जिण मांय एक डोकरो, एक डोकरी अनै लगैटगै पंदरा साल री एक छोरी। घर कांई घरकूलियौ ही है। ऊंचाई इतरी ही है क इण रै मांय बैठ्यो ही जा सके, खड़्यो रैवणो अबखो है। इण झूंपड़ी नै भी कितरी अबखाया स्यूं बणाई है, इण री डोळ स्यूं पतो चाले। न्यारी न्यारी कातरां जोड़ नै पुराणा लीरा अर थैला स्यूं ठंडी हवा स्यूं बचण रौ जापतो कर राख्यो है। एक माचली रो एक पागो टुट्योड़ो है, अर उण पागै री ठोड़ ईट्ंया जचा राखी है, जिण स्यूं बो बैठण लायक बण ग्यो। इण सारी बातां ने देखतां थका आपां बीं झूंपड़ी मां रैवणिया लोगां री हालत री कल्पना आपां कर सकां।
म्हूं बीं झूंपड़ी में खास बात देखी, जकी म्हनै आ पोस्ट लिखण ने मजबूर कर नाख्यो। बीं झूंपड़ी में आंवते जांवते बा छोरी म्हाने हरमेस पढ़ती दिखे। बीं रै हाथां में किताब देख'र म्हूं सोचूं कै बां लोगां ने सीख लेवणी चाहिजे जिका थोड़ी सी अबखाई आंवतै ही पढ़ाई छोड़ देवे है। आपरी असफलता रौ औ भ्यानौं काढे है कै म्हारे खनै संसाधना री कमी होवण रै कारण म्हारे स्यूं पढ़ाई कोनी हो पाई। इण विषय माथे म्हूं पैलां भी एक पोस्ट लिख चुक्यो। पण आज फैर जद म्हूं इण झूंपड़ी रै आगे स्यूं आयो तो आ पोस्ट लिखणे स्यूं अपणे आप ने रोक नहीं सक्यो।
तो भाई लोगो कोई हिलो करणे स्यूं बचणे रा भ्यानां ना मारो। हिलो करणे री इच्छा शक्ति जगाओ ....... मारग अपणे आप बणता जावैला।
अबार इतरो ही...... मिलां आगली पोस्ट मांय.....
सफर जारी है..............
Comments
Post a Comment